Coaching Gym

فرصة تطوير مهاراتك وتحقيق حلم الـ Coaching

انضمي لأول برنامج من نوعه للتدريب على مهارات وأدوات الكوتشينج بتطبيق عملي وجلسات مع عملاء حقيقيين

رحلة صناعة الكوتش الناجح تبدأ من هنا

لحظة إدراك المشكلة الحقيقية..

عشان تحسي بمشكلة حد وتقدري تساعديه لازم تكوني مريتي بنفس المشكلة وحسيتي بنفس المشاعر، ودة اللي حصل معايا وشجعني أبدأ Coaching gym

لأن في بداية شغلي في مجال الـCoaching اتفاجأت ان رغم حضوري لعدد كبير من الكورسات في المجال، وعندي معلومات كتير عنه لكني لسة مش قادرة أطبق مع العملاء خلال الجلسات وبسأل نفسي: "أنا المفروض أعمل إيه؟"

وزي أي حد مبتدئ في مجال جديد وبتقابله مشاكل، كانت أول حاجة فكرت فيها هي إني شكيت في قدراتي وحسيت بالإحباط

ورجعت أذاكر من الأول سواء بحضور نفس الكورسات القديمة أو حضور برامج ودورات مشابهة

ودي الدائرة المغلقة اللي بيعدي بيها كل Coach!

لحد ما عرفت ان المشكلة الحقيقية هي الفجوة الموجودة بين المعلومات النظري الموجودة في الكورسات والبرامج التدريبية، وبين الواقع العملي اللي بنقابله في الجلسات مع العملاء

وهنا قررت أبدأ الـGym وأقدم لكل Coach كل اللي تحتاجه في طريقها لجلسات فعالة وملهمة في مكان واحد بس

الجيم بيقدملك إيه؟

الـCoachin Gym هو مكان خاص للتدريب المكثف والعملي على كل مهارات الـ Coaching عشان تبدأي مشوارك بشكل صحيح وتبدأي بوضع الاعتمادات والشهادات اللي حصلتي عليها في حيز التفعيل والاستخدام الحقيقي والواقعي

من خلال 3 مستويات

إيجاد Community داعم للمشاركة والتشجيع المتبادل بين أعضاء الـGym لأي مشروع جديد أو احتياج لنصيحة أو دعم بأي شكل

تطبيق عملي وواقعي لجلسات مع عملاء حقيقيين تحت إشراف وتصحيح مركز وعلى مستوى كل Coach بشكل فردي

شرح أهم وأقوى أدوات الكوتشينج واللي بتعمل نقلة قوية في سير الجلسات وجودتها

خطة Coaching Gym

✨ الاشتراك مدته سنة كاملة (شهر رمضان أجازة من الحضور) بنتقابل فيهم 4 مرات في الأسبوع، نشتغل، نتعلم، ونطبق مع بعض على كل مهارة وكل أداة

خدمات فرعية بيقدمها الـCoaches

في الجيم لعملاء حقيقيين بدعم وإشراف شخصي، زي

Reception

My Reception

Catch Coach

وعشان نضمن ان كل Coach داخل الجيم بتاخد حقها من الشرح والتطبيق والمتابعة،و يكون في تركيز أكبر على مستواكي وتقدمك، بنهتم يكون العدد داخل الجيم بيكون محدود جدًا بحد أقصى 25 عضو فقط

📌 الأسبوع الأول - يبدأ من يوم 12 يناير 2025 📆

حضور مباشر مرة أسبوعيا لشرح محتوى جديد. وبيتم تسجيل هذا المحتوي

حضور 3 أيام أسبوعيا للتطبيق المباشر، وبيتم تسجيل هذا المحتوى

📌 الأسبوع الثاني:

متابعة لجدولة سماع المحتوى المسجل من خلال إيميلات يومية

لقاء مرة واحدة للنقاش والاستفسارات، والإجابة على أي تساؤل عندك

📌 الأسبوع الثالث:

اسبوع كامل شرح وتطبيق

وطول فترة الاشتراك بيتكرر نفس النظام بنفس الترتيب حتى نهاية الاشتراك

✨ مميزات أخرى داخل الجيم

المحتوى بيكون مسجل تقدري ترجعي له في أي وقت

الحضور في أيام الشرح والتطبيق اختياري حسب ظروفك وقدرتك

جلسة مينتورينج فردية مرة واحدة شهريًا (سواء مع عميلة خارجية أو من الچيم؛ وتختاري تكون مسجلة أو مباشرة)

بعد الاشتراك بيتم إضافتك للموقع الخاص بينا، ومن خلاله هتقدري توصلي لمحتوى ضخم خاص لأقوى أدوات ومهارات الكوتشينج والدعم النفسي

بعد التدريب لمستوى معين بتقدري تطبقي مهاراتك على عملاء حقيقيين خلال جلسة حقيقية ترسم طريقك في مجال الدعم النفسي

متاح تقسيط اشتراك الجيم بالكريديت كارد بأنظمة مختلفة